काठमाडौं- आन्तरिक हवाई कम्पनी गुण एयरलाइन्सले ३० सिट क्षमताको जेटस्ट्रिम जहाजमार्फत शनिबारदेखि नेपालगञ्जको नियमित उडान सुरु गरेको छ।
आफ्ना दुईवटा अमेरिकी बिचक्राफ्ट र थप गरिएको बेलायती पाँच वटा जेट्स्ट्रीमसहित कुल सात वटा विमानबाट उडान थाल्ने क्रममा गुण एयरलाइन्सले यसअघि भरतपुर, पोखरा , तुम्लिङटार र भैरहवामा पनि नियमित उडान सुरु गरेको थियो।
गुण एयरलाइन्सका बजार प्रमुख प्रज्वल थापाका अनुसार आइतबारदेखि नै अर्को गन्तव्य जनकपुरमा उडान सुरु गर्ने र थप अन्य गन्तव्य सिमरा, सुर्खेत र बिराटनगरको लागि केही दिनमै उडाउने गरि तयारी गरिएको छ।
दसैँ लक्षित गर्दै यात्रुलाई सुरक्षित र भरपर्दो हवाइ सेवा सुविधा दिन कुनै कसर बाकी नराख्ने र गुणस्तरिय हवाइ सेवा दिन त्यसैअनुसार उडानहरु थप गर्दै आन्तरिक हवाइ बजारमा जाने थापा बताउँछन्।
