काठमाडौं- फिफा विश्वकप २०२२ आजदेखि सुरु हुँदैछ। खाडी मुलुक कतारले पहिलोपटक विश्वकप आयोजना गरेको हो।
उद्घाटन खेलमा आयोजक कतार र दक्षिण अमेरिकी राष्ट्र इक्वेइडर भिड्दै छन्। खेल नेपाली समयअनुसार राति ९ बजेर ४५ मिनेटमा सुरु हुनेछ।
कतारमा २० नोभेम्बरदेखि १८ डिसेम्बर २०२२ सम्म हुने प्रतियोगिता २२औं संस्करण हो। प्रतियोगितामा विश्वभरका ३२ टिम सहभागी छन्।
सन् २००२ को दक्षिण कोरिया र जापानमा भएको प्रतियोगिता पछि पूर्णरूपमा एसियामा आयोजना हुने दोस्रो विश्वकप हो। सम्भवत: यो विश्वकप ३२ टिम सहभागी हुने अन्तिम विश्वकप हुनेछ। सन् २०२६ देखि ४८ देश सहभागी हुने निर्णय फिफाले गरिसकेको छ।
प्रतियोगिताका खेल पाँच शहरका आठ रंगशाला खेलाइने छन्। कतारको गर्मी र आर्द्रताको कारण यो विश्वकप नोभेम्बर र डिसेम्बरमा आयोजना हुन लागेको हो।
उद्घाटन खेल कतार र इक्वेडरबीच अल बेत स्टेडियम, अल खोरमा हुनेछ। विश्वकपको फाइनल खेल १८ डिसेम्बर कतारको राष्ट्रिय दिवसमा हुने तय भएको छ।
