काठमाडौं- काठमाडौंबाट सिमरा उडान गरेको बुद्ध एयरको जहाजमा प्राविधिक समस्या देखा परको छ। सिमरा विमानस्थल कार्यालयका अनुसार १० बजेर ५३ मिनेटमा अवतरण भएको बुद्ध एयरको उडान नम्बर ५५३ जहाजको टायर फ्ल्याट (टायरको हावा खुसकिएको) भएको हो।
अवतरणपछि जहाजलाई पार्किङतिर लैजाने क्रममा टायरको हावा खुस्किएको हो। जहाजमा समस्या आएपछि सिमरा काठमाडौं उडानसमेत डिले भएको छ। अहिले काठमाडौंबाट अर्को जहाज लगरे यात्रुललाई काठमाडौं ल्याउने तयारी भएको छ।
बिहान साढे ९ बजे ल्याण्ड हुने पर्ने जहाज ढिला गरी सिमरा विमानस्थलमा पुगेको थियो। समस्या आएको जहाज अहिले मर्मतको काम भइरहेको विमानस्थल कार्यालयले जनाएको छ।
