काठमाडौं -साउन २० गतेदेखि २४ गतेसम्म निष्कासनमा आएको सानिमा लाइफ इन्स्योरेन्सको आइपिओ बाँडफाँट भएको छ। 

प्रतिकित्ता अंकित मूल्य १०० रूपैयाँ दरले ६० करोड रूपैयाँ बराबरको ६० लाख कित्ता आइपिओ विक्री खुला भएकोमा २४ लाख १९ हजार ८४८ जनाको आवेदन परेको थियो। 

त्यसबाट १० कित्ताका दरले ५ लाख ४० हजार जनाले मात्र गोलाप्रथामार्फत्  सेयर हात पारेका छन्। 

२०७४ मंसिरदेखि कारोबार सुरु गरेको सानिमा लाइफ इन्स्योरेन्स कम्पनीले गत वर्षको तेस्रो त्राइमासमा ९ करोड ३६ लाख रुपैयाँ खुद नाफा कमाएको थियो। 

आइपिओ  परे नपरेको थाहा पाउनका लागि  https://iporesult.cdsc.com.np/ लगइन गरी आफ्नो डिम्याट नम्बर राख्नुपर्छ।