.jpg)
.jpg)
.gif)
.gif)
काठमाडौं- भारतको वित्तीय केन्द्र मुम्बईमा आगामी नोभेम्बरदेखि चार पाङ्ग्रे सवारी साधनमा यात्रा गर्दा सबैका लागि सिट बेल्ट अनिवार्य गरिएको छ।
मुम्बई ट्राफिक प्रहरीले शुक्रबार एक सूचना जारी गर्दै कारको पछाडिको सिटमा बस्नेहरूका लागि पनि सिट बेल्ट लगाउन अनिवार्य गरिएको जनाएको छ। यसअघि अगाडिको सिटका यात्रुले मात्र सिट बेल्ट लगाउनुपर्ने अनिवार्यता थियो तर गत महिना सडक दुर्घटनामा परी व्यापारी साइरस मिस्त्रीको मृत्युले सिट बेल्ट लगाउनुको महत्त्व बढेको भन्दै नयाँ नियम लागू गरिँदै छ।
.gif)
मुम्बई ट्राफिक प्रहरीका अनुसार नयाँ नियमको पालना नगरेमा दण्डनीय हुने बताइएको छ। यदि चार पाङ्ग्रेमा यात्रा गर्ने कसैले सिट बेल्ट नबाँधेमा चालकलाई पाँच सय भारतीय रुपैयाँ जरिवाना गर्ने जनाएको छ।
.gif)
.jpg)
भारतको यातायात मन्त्रालयले सन् २०२० मा भारतमा ३६ लाख ६१ हजार १ सय ३८ सडक दुर्घटनाहरू रेकर्ड गरेको थियो जसमा १३ लाख १ हजार ७ सय १४ जनाको मृत्यु भएको थियो भने तीन लाख ४८ हजार २ सय ७९ जना घाइते भएका छन्।
