काठमाडौं- इन्डो नेपाल करिडोरको रेमिट्यान्स प्रबर्द्धन गर्ने उद्देश्यसहित मुथुट फिनकर्प र आइईमईबीच सम्झौता भएको छ ।
सम्झौता पत्रमा मुथुट फिनकर्प लिमिटेडका तर्फबाट सीईओ साजी वर्गीस र आईएमईका तर्फबाट गौतम नैथानीले हस्ताक्षर गरेका छन्।
बुधबार आयोजित कार्यक्रममा मुथुट फिनकर्पका अध्यक्ष एवम् प्रबन्ध निर्देशक थोमस जोन मुथुट, आइएमई ग्रुपका सिनियर भाइस प्रेसिडेन्ट सुमन पोखरेल, आइएमईका प्रमुख कार्यकारी अधिकृत खिलेन्द्र पौडेललगायत अन्य वरिष्ठ अधिकारीहरुको उपस्थिति रहेको थियो।
मुथुट फिनकर्प लिमिटेडका सीईओ साजी वर्गीसले ३६०० शाखाहरू मार्फत भारतमा बसोबास गर्ने र आम्दानी गर्ने नेपाली समुदायलाई उनीहरूको घरदैलोमा सेवा प्रदान गर्ने यो सम्झौता सहयोगी हुने बताए।
सम्झौतापछि भारतीय कम्पनी मुथुट फिनकर्प मार्फत् नेपालमा आईएमईमा पैसा पठाउन सक्नेछन्।
