काठमाडौं- काठमाडौं महानगरपालिकाले दिएको २४ घण्टे अल्टिमेटमपछि भृकुटीमण्डपस्थित फन पार्कले महानगरलाई १७ लाख ३६ हजार रुपैयाँ कर बुझाएको छ।
पटक-पटक आग्रह गर्दा पनि वर्षौंदेखि महानगरलाई बुझाउनु पर्ने व्यवसाय कर, बहाल कर, विज्ञापन कर तथा मनोरञ्जन कर नतिरेपछि महानगरले बुधबार २४ घण्टे अल्टिमेटम दिएको थियो।
फनपार्कले बहाल रकममा सम्झौताको वार्षिक १० प्रतिशत, मनोरञ्जन करतर्फ ५ प्रतिशत, व्यवसायतर्फ २० हजार रुपैयाँ र त्यसको जरिवाना बुझाउनुपर्छ। विज्ञापन करतर्फ बाह्य विज्ञापनतर्फ प्रति स्क्वायर फिट १ हजार रुपैयाँ बुझाउनुपर्छ।
फनपार्कले बिहीबार मनोररञ्जन करवापतको रकम तिरेको महानगरको राजस्व विभागका प्रमुख शिवराज अधिकारीले जानकारी दिएका छन्। फनपार्कले व्यवसाय कर भने अझै तिरेको छैन। साथै फन पार्कले बहाल कर भने समाज कल्याण परिषद्लाई तिर्ने गरी सम्झौता गरेको छ।
