काठमाडौं- सरकारले बैशाख १३ गतेदेखि लगाएको आयातको प्रतिबन्धलाई असोज २८ गतेसम्मका लागि लम्ब्याउने निर्णय गरेको छ।

सरकारले उद्योग वाणिज्य तथा आपूर्ति मन्त्रालयको प्रस्तावमा बैशाख १३ गतेदेखि आयातमा लगाएको प्रतिबन्धलाई परिमार्जनसहित असोज २८ गतेसम्मका लम्ब्याउने निर्णय गरेको हो।

यसअघि भदौ १४ गतेसम्म १० वस्तुमा लागेको प्रतिबन्धमध्ये अहिले चार वटा वस्तुमा मात्र कायम गरिएको छ।

कुन कुन वस्तुमा प्रतिबन्ध निरन्तर?

- सबै प्रकारका तयारी मदिरा

-  ३ सय डलर माथिका स्मार्ट फोनहरु 

-  जिप/कार/भ्यानहरु

-  १५० सीसी माथिका मोटरसाइकल

कुन कुनमा प्रतिबन्ध हट्यो?

-  खेल्ने तास

-  कुरकुरे, कुरमुरे, लेज र त्यस्तै उत्पादनहरु

-  सबै प्रकारका खेलौनाहरु

-  चुरोट तथा सूर्तिजन्य वस्तु

-  हिरा (औधोगिक कच्चा पदार्थ बाहेक)

-  ३२ इन्चमाथिका रङगिन टेलिभिजन