काठमाडौं- सरकारले आयातकाे विषयमा निर्णय गर्ने अधिकारसहितकाे उच्चस्तरीय समिति गठन गरेकाे छ। मन्त्रिपरिषद्ले आयात व्यवस्थापन गर्नका लागि उद्योग वाणिज्य मन्त्रालयकाे प्रस्तावमा समिति गठन गरेकाे हाे।
समितिमा राष्ट्र बैंकका गर्भनर महाप्रसाद अधिकारी, अर्थ मन्त्रालयका सचिव कृष्णहरि पुष्कर, अर्थकै राजस्व सचिव रामेश्वर दंगाल, उद्योग मन्त्रालयका वाणिज्य सचिव डा. गणेश पाण्डे र राष्ट्रिय योजना आयोगका उपाध्यक्ष डा. विश्वनाथ पौडेल छन्।
समितिले आयातमा प्रतिबन्ध खुलाउने र नखुलाउने निर्णय गर्न पाउने छ। समितिकै सिफारिसमा सरकारले आयात प्रतिबन्धका विषयमा निर्णय लिने छ।
पछिल्लो समय १० वस्तुकाे आयातकाे प्रतिबन्ध मंगलबार सकिँदैछ। समितिले आइतबारदेखि नै काम गरेकाले अब सिफारिस गरेर कुन कुन वस्तुकाे आयात फुकुवा गर्ने र जारी राख्ने निर्णय गर्ने छ।
