काठमाडौं- दक्षिण कोरियाली ब्रान्ड सामसङले आफ्ना टीभी नेपालमै एसेम्बल गर्ने भएको छ। 

नेपाली बजारका लागि आवश्यक टेलिभिजन डिभाइसको एसेम्बल नेपालमै गर्नका लागि नवलपरासीमा फ्याक्ट्री शिलान्यास भएको छ। 

गोल्छा समूहसँगको सहकार्यमा सामसङले नेपालमै एसेम्बल गर्नका लागि फ्याक्ट्री स्थापना गर्न लागेको छ। नेपाल प्लान्टमा सामसङले नै लगानी गर्ने भएको उद्योगले जानकारी दिएको छ। 

सामसङको फ्याक्ट्रीको शिलान्यास उद्योग वाणिज्य तथा आपूर्तिमन्त्री  दिलेन्द्रप्रसाद बडूले गरेका छन्। 

शिलान्यास गर्दै मन्त्री बडूले सामसङको यो कदमबाट नेपालमा विदेशी लगानीसँगै प्रविधिको हस्तान्तरण हुने र यसबाट नेपाली अर्थतन्त्रमा उच्च योगदान हुने बताए। 

नेपालमा अन्य ब्रान्डका टेलिभिजन यसअघि नै एसेम्बल हुँदै आएका छन्। सामसङले कस्ता टेलिभिजनको एसेम्बल नेपालमै गर्छ भन्ने कुराको विस्तृत विवरण खुलाइएको छैन्।