काठमाडौं- सरकारले आज बुधबारबाट ४० माइक्रोनभन्दा पातलो प्लाष्टिकको झोला उत्पादन, आयात, बिक्रि वितरण तथा प्रयोगमा निषेध गरेको छ। बुधबारबाट निर्णयको कार्यान्वयन भए नभएकोबारे अनुगमनसमेत हुनेछ।

४० माइक्रोनभन्दा पातलो प्लाष्टिक प्रयोग वा बिक्री गरेको पाइएमा वातावरण संरक्षण ऐन र नियमावलीअनुसार कारबाही हुने विभागले जनाएको छ। 

सरकारले २०७८ असोज १९ मा राजपत्रमा सूचना प्रकाशित गर्दै ४० माइक्रोनभन्दा पातलो प्लाष्टिक झोला उत्पादन, आयात, बिक्री वितरण तथा प्रयोगमा प्रतिबन्ध लगाएको थियो। 

मन्त्रिपरिषदले २०७८ माघ १७ मा 'प्लाष्टिक झोला प्रतिबन्धसम्बन्धी कार्ययोजना २०७८' समेत स्वीकृत गरिसकेको छ।

यसैले भदौ १ गतेबाट प्लाष्टिकको झोला उत्पादन, आयात, बिक्रि वितरण तथा प्रयोगमा कडाइ गरिने विभागले सूचनामार्फत जनाएको छ।