.gif)
.gif)
काठमाडौं- गत आर्थिक वर्षमा सबैभन्दा बढी मूल्य वृद्धि घ्यु तथा तेलमा भएको छ। नेपाल राष्ट्र बैंकका अनुसार गत आवमा घ्यु तथा तेलको मूल्य सरदरमा २६.१३ प्रतिशतले बढेको हो।
यसैगरी गत आवमा नै दाल तथा गेडागुडी, सुर्तीजन्य पदार्थ र मदिराजन्य पेय पदार्थको मूल्य वृद्धि क्रमशः ९.९२ प्रतिशत, ९.८४ प्रतिशत र ८.५७ प्रतिशत बढेको राष्ट्रले जनाएको छ।
साथै, गैर-खाद्य तथा सेवा समूह अन्तर्गत यातायात, शिक्षा, फर्निसिङ तथा घरायसी उपकरणहरु र मनोरञ्जन तथा संस्कृति उपसमूहको मुद्रास्फीति क्रमशः १५.८२ प्रतिशत, ८.७८ प्रतिशत, ७.०९ प्रतिशत र ६.६८ प्रतिशत रहेको छ।
आर्थिक वर्ष २०७८/७९ मा उपभोक्ता मुद्रास्फीति काठमाडौं उपत्यकामा ५.७३ प्रतिशत, तराईमा ६.४१ प्रतिशत, पहाडमा ६.८७ प्रतिशत र हिमालमा ६.०७ प्रतिशत रहेको छ। अघिल्लो आर्थिक वर्ष यस्तो मुद्रास्फीति क्रमशः ३.३३ प्रतिशत, ३.६८ प्रतिशत, ३.८७ प्रतिशत र २.८७ प्रतिशत रहेको थियो।
