काठमाडौं- नेपाल नागरिक उड्डयन प्राधिकरणले लेखा तथा व्यवस्थापन सफ्टवेयर १६ करोड रुपैयाँमा खरिद गर्ने भएको छ। 

प्राधिकरणले एकीकृत वित्तीय तथा सञ्चालन व्यवस्थापन प्रणालीका लागि १६ करोड खर्चिएर प्रणाली जडान तथा सञ्चालन गर्ने भएको हो। 

प्रणाली सञ्चालनका लागि प्राधिकरणले अगाइल सोलुसन प्रालि एण्ड सीईआई उपक्रमलाई जिम्मा दिएको छ। कम्पनीले १६ करोड ५३ लाख ४९ हजार ६४५ रुपैयाँमा जडान गर्नेगरी ठेक्का पाएको छ। 

प्राधिकरणले आव्हान गरेको सार्वजनिक टेन्डरमा सहभागी भएको यो उपक्रमले यो जिम्मेवारी पाएको हो।