काठमाडौं- बुधबारमा पनि सुनको मूल्य घटेको छ। मंगलबार १३ सय रुपैयाँले घटेको सुनको मूल्य बुधबार पनि प्रतितोला ४ सय रुपैयाँ घटेको हो।
बुधबारका लागि नेपाली बजारमा छापावाल सुनको मूल्य ९८ हजार ८ सय रुपैयाँ कायम भएको छ। मंगलबार छापावाल सुन प्रतितोला ९९ हजार २ सय रुपैयाँमा कारोबार भएको थियो।
त्यस्तै चाँदीको मूल्य पनि तोलामा १० रुपैयाँ घटेको हो। बुधबारका लागि चाँदीको मूल्य तोलामा १३ सय ६० रुपैयाँ कायम भएको छ। मंगलबार चाँदी प्रतितोला १३ सय ७० रुपैयाँमा कारोबार भएको नेपाल सुनचाँदी व्यावसायी महासंघले जनाएको छ।
