काठमाडौं- नेपाल आयल निगमको कार्यकारी निर्देशक नियुक्तीका लागि छनौट समितिले तीन जनाको नाम सिफारिस गरेको छ।
उद्योग वाणिज्य तथा आपूर्ति मन्त्रालयका अनुसार चन्डिकाप्रसाद भट्ट, जीवनप्रकाश सिटौला र उमेशप्रसाद थानीको नाम सिफारिस भएको छ।
यी तीनजनामध्ये एकजनालाई मन्त्रिपरिषद वैठकले निगमको कार्यकारी निर्देशकमा नियुक्त गर्ने छ।
रिक्त रहेको कार्यकारी निर्देशक पदमा पदपूर्तिका लागि आव्हान गरेको विज्ञापनमा १७ जनाले आवेदन दिएका थिए।
१७ जनाबाट तीन जनाको नाम सिफारिस गरिएको हो।
मन्त्रालयले आयल निगमको कार्यकारी निर्देशक नियुक्तीका लागि भन्दै पुस २५ गते सूचना प्रकाशित गरेको थियो। अन्मित मिति माघ १६ गतेसम्म १७ जनाले आवेदन दिएका थिए।
सिफारिस भएका मध्ये भट्ट सेज प्राधिकरणमा प्रमुख कार्यकारी अधिकृत छन् , सिटौला उद्योग विभागका पूर्वमहानिर्देशक हुन्।
