काठमाडौं- कतार एयरवेजले भैरहवाको गौतम बुद्ध अन्तर्राष्ट्रिय विमानस्थलमा उडानका लागि अनुमति मागेको छ।
प्राधिकरणका सूचना अधिकारी ज्ञानेन्द्र भुलका अनुसार कतारले नोभेम्बर महिनाका लागि गौतम बुद्ध अन्तर्राष्ट्रिय विमानस्थलमा अवतणको अनुमति मागेको हो।
कतारले दोहा-भैरहवा-काठमाडौं-दोहा उडानका लागि अनुमति मागेको हो। नोभेम्बर १२ देखि २९ सम्मका लागि दैनिक एउटा उडानका लागि उडान अनुमति मागेको हो।
काठमाडौं विमानस्थलमा स्लट व्यवस्थापनको लागि काम भइरहेको र स्लट व्यवस्थापन भएको अवस्थामा उडान अनुमति पाउने प्राधिकरणले जनाएको छ।
अहिले भैरहवामा थाइ एयर एसिया, फ्लाई दुबई, जजिरा र नेपाल एयरलाइन्सले उडान थालिसकेका छन्। एयर एसियाले सातामा दुईवटा जजिराले तीन, नेपाल एयरलाइन्सले चार र फ्लाई दुबईले सातवटा उडान अनुमति पाएका छन्।
