काठमाडौं- यूनिलिभर नेपाल लिमिटेडले आर्थिक वर्ष २०८१/८२ मा ४७ करोड ४९ लाख रुपैयाँ खुद नाफा आर्जन गरेको छ। अघिल्लो वर्ष सो रकम ४७ करोड ५४ लाख रुपैयाँ थियो। 

कम्पनीको अडिट नभएको चौथो त्रैमासिक वित्तीय विवरणअनुसार सो अवधिमा सञ्चालन आम्दानी ८ अर्ब २४ करोड ५७ लाख रुपैयाँ रहेको छ, जुन अघिल्लो वर्षको ८ अर्ब २३ करोड ९८ लाख रुपैयाँभन्दा सामान्य वृद्धि हो। अन्य आम्दानी घटेर १६ करोड ६७ लाख रुपैयाँमा सीमित भएको छ।

समीक्षा अवधिमा कच्चा पदार्थ खरिदमा ३ अर्ब ७५ करोड ६८ लाख रुपैयाँ खर्च गरिएको छ भने कर्मचारी सुविधा खर्च ६१ करोड ७५ लाख रुपैयाँ रहेको छ। मर्मत, मूल्यह्रास तथा अमूर्त सम्पत्ति खर्च ३१ करोड ३१ लाख रुपैयाँमा झरेको छ। वित्तीय लागत बढेर ४ करोड २४ लाख रुपैयाँ पुगेको छ। अन्य खर्च १ अर्ब २५ करोड ८० लाख रुपैयाँ रहेको छ।

जम्मा खर्च ५ अर्ब ९८ करोड ७९ लाख रुपैयाँ पुगेपछि करपूर्व नाफा २ अर्ब ४२ करोड ४५ लाख रुपैयाँ भएको छ। करबापत ४६ करोड २७ लाख रुपैयाँ छुट्याएपछि खुद नाफा १ अर्ब ९६ करोड १९ लाख रुपैयाँ कायम भएको छ।

असार मसान्तसम्म कम्पनीको कुल सम्पत्ति ७ अर्ब ९६ करोड ७७ लाख रुपैयाँ पुगेको छ, जुन अघिल्लो वर्षको ७ अर्ब ८ करोड रुपैयाँभन्दा उच्च हो। सो मध्ये दीर्घकालीन सम्पत्ति १ अर्ब ९६ करोड ९४ लाख रुपैयाँ र चालू सम्पत्ति ५ अर्ब ९९ करोड ८३ लाख रुपैयाँ छ। 

कम्पनीको खुद पुँजी ५ अर्ब ७१ करोड ६२ लाख रुपैयाँमा पुगेको छ भने बाँकी २ अर्ब ७४ करोड १५ लाख रुपैयाँ दायित्व रहेको छ। कम्पनीले स्थिर आम्दानी र खर्च नियन्त्रणमार्फत उच्च जगेडा कायम राख्दै वित्तीय स्थितिलाई मजबुत बनाएको जनाएको छ।