काठमाडौं- बुधबार नेपाली बजारमा सुनको मूल्यमा सामान्य गिरावट आएको छ भने चाँदी महँगिएको छ।

मंगलबारको तुलनामा बुधबार प्रतितोला एकसय रूपैयाँले घटेर सुनको मूल्य प्रतितोला एक लाख ९६ हजार ७ सय रूपैयाँ कायम भएको नेपाल सुनचाँदी व्यवसायी महासंघले जनाएको छ।

सुन मंगलबार प्रतितोला एक लाख ९६ हजार ८ सय रूपैयाँमा कारोबार भएको थियो।

यस्तै, चाँदीको मूल्य आज प्रतितोला २० रूपैयाँले वृद्धि भएको छ।

महासंघका अनुसार मंगलबार प्रतितोला दुई हजार ३ सय ५ रूपैयाँमा कारोबार भएको चाँदीको मूल्य बुधबारका लागि प्रतितोला दुई हजार ३ सय २५ रूपैयाँ तोकिएको छ।