काठमाडौं- सुनको मूल्य नेपाली बजारमा तोलाकै एक लाख ९९ हजार चारसय रूपैयाँ पुगेको छ। यो हालसम्मकै उच्च हो।

शुक्रबार प्रतितोला एक हजार रूपैयाँले वृद्धि हुँदै सुनको मूल्य कीर्तिमानी बिन्दुमा पुगेको हो।

यो साता मंगलबार सुन उच्च मूल्य प्रतितोला एक लाख ९८ हजार ५ सय रूपैयाँ पुग्दै रेकर्ड कायम भएको थियो।

शुक्रबार चाँदीको मूल्य पनि प्रतितोला १० रूपैयाँले वृद्धि भएको छ।

बिहीबार प्रतितोला दुई हजार ३ सय १५ रूपैयाँमा कारोबार भएको चाँदीको मूल्य शुक्रबारका लागि प्रतितोला दुई हजार ३ सय २५ रूपैयाँ तोकिएको नेपाल सुनचाँदी व्यवसायी महासंघले जनाएको छ।