काठमाडौं- बिहीबार सुनको मूल्य स्थिर रहेको छ भने चाँदीको सामान्य वृद्धि भएको छ।

नेपाली बजारमा बिहीबारका लागि सुनको मूल्य प्रतितोला एक लाख ९८ हजार चारसय रूपैयाँ तोकिएको छ। यो साता बुधबार पनि सुन सोही मूल्यमा कारोबार भएको थियो।

यो साता निरन्तर उकालो लागिरहेको चाँदीको मूल्य बिहीबार पनि प्रतितोला १० रूपैयाँले बढेको छ।

बिहीबारका लागि चाँदीको मूल्य प्रतितोला दुई हजार ३ सय १५ रूपैयाँ तोकिएको नेपाल सुनचाँदी व्यवसायी महासंघले जनाएको छ।

बुधबार चाँदी प्रतितोला दुई हजार तीनसय ५ रूपैयाँमा कारोबार भएको थियो।