काठमाडौं- बिहीबार नेपाली बजारमा सुनको मूल्यमा गिरावट आएको छ भने चाँदी पनि सस्तिएको छ।

सुनको मूल्य बिहीबार तोलामा ८ सय रूपैयाँले घटेर प्रतितोला एक लाख ९३ हजार ६ सय रूपैयाँ कायम भएको नेपाल सुनचाँदी व्यवसायी महासंघले जनाएको छ।

यो साता बुधबार सुन प्रतितोला एक लाख ९४ हजार ४ सय रूपैयाँमा कारोबार भएको थियो।

बुधबारको तुलनामा बिहीबार चाँदी पनि प्रतितोला ४० रूपैयाँले सस्तिएको छ।

महासंघका अनुसार बुधबार प्रतितोला दुई हजार ३ सय १० रूपैयाँमा कारोबार भएको चाँदीको मूल्य बिहीबारका लागि प्रतितोला दुई हजार दुईसय ७० रूपैयाँ तोकिएको छ।