काठमाडौं- बुधबार दुई हजार एकसय रूपैयाँले बढेको सुनको मूल्य बिहीबार प्रतितोला दुई हजार चारसयले घटेको छ।

बिहीबारका लागि सुनको मूल्य प्रतितोला एक लाख ९५ हजार दुईसय रूपैयाँ तोकिएको छ।

नेपाली बजारमा बुधबार सुन प्रतितोला एक लाख ९७ हजार ६ सय रूपैयाँमा कारोबार भएको थियो।

यस्तै, चाँदी पनि आज प्रतितोला १५ रूपैयाँले सस्तिएको नेपाल सुनचाँदी व्यवसायी महासंघले जनाएको छ।

महासंघका अनुसार चाँदी आज प्रतितोला दुई हजार ३ सय ३५ रूपैयाँमा कारोबार भइरहेको छ।

बुधबार भने चाँदी प्रतितोला २ हजार ३ सय ५० रूपैयाँमा कारोबार भएको थियो।