काठमाडौं-जीवन विकास लघुवित्तको सेयर मूल्य लगातार बढेको छ। लाभांश घोषणाको अन्तिम तयारीमा रहेकोले कम्पनीको सेयर खरिदमा लगानीकर्ता झुम्मिएका छन्। जसका कारण साताको अन्तिम दिन मात्रै  प्रतिकित्ता १६९ रुपैयाँले बढेको छ।

बिहिबार कारोबार बन्द हु्दाँ सेयर मूल्य ४९६० रुपैयाँ कायम भएको छ। चालु आर्थिक वर्षको दोस्रो त्रैमाससम्ममा उत्कृष्ट नाफा कमाएको थियो। चालु आर्थिक वर्षको पहिलो ६ महिनासम्ममा लघुवित्तले ४० करोड १६ लाख रुपैयाँ खुद नाफा आर्जन गरेको हो। 

गत आर्थिक वर्षको सोही अवधिको तुलनामा ९.१० प्रतिशत बढी हो। गत आर्थिक वर्षको सोही अवधिसम्ममा कम्पनीले ३६ करोड ८१ लाख रुपैयाँ खुद नाफा कमाएको थियो।

कम्पनीले गत आर्थिक वर्षको नाफाबाट लाभांश घोषणा अझै गरेको छैन। कम्पनीले ५० देखि ६५ प्रतिशतसम्म लाभांश घोषणा गर्न सक्ने क्षमता रहेको छ। कम्पनीको सम्भवत: आगामी हप्ता लाभांश घोषणा हुदैँछ। 

बिहिबार जीवन लघुवित्त ४५ हजार ४६८ कित्ता सेयर कारोबार हुदाँ २२ करोड ३७ लाख रुपैयाँको किनबेच भएको छ। कम्पनीले ३० अर्ब १७ करोड रुपैयाँ पुँजीकरण पुगेको छ। कम्पनीको ५२ हप्तामा अधिकतम ५ हजार ५१६ रुपैयाँ न्यूनतम ४ हजार ५३७ रुपैयाँमा कारोबार भएको थियो।