धनुषा- कृषि सामग्री कम्पनी लिमिटेड जनकपुरधाम शाखाले चालु आर्थिक वर्ष २०८१/८२ को हालसम्म ३६ करोड ३९ लाख ६३ हजार रुपैयाँको रासायनिक मल बिक्री वितरण गरेको छ। कम्पनीका अनुसार हालसम्म १४ करोड ३० लाख २२ हजारको युरिया, २२ करोड २४ लाख ६५ हजारको डिएपी र ८४ लाख ७५ हजार रुपैयाँको पोटास बिक्री वितरण गरेको हाे।

कार्यालयका निमित्त कार्यालय प्रमुख बेचन साहका अनुसार आव २०८/र८२ देखि हालसम्म कम्पनीले आठ हजार एक सय ७२ मेट्रिकटन युरिया प्राप्त गरेको छ। यसैगरी डिएपी पाँच हजार दुई सय ५८ मेट्रिकटन र पोटास दुई सय ९७ मेटन प्राप्त गरेको हो।

प्रमुख साहका अनुसार प्राप्त रासायनिक मलबाट कम्पनीले हालसम्म युरिया आठ हजार चार सय आठ दशमलव एक सय ५० मेट्रिकटन, डीएपी चार हजार आठ सय ३५ दशमलव एक सय ५० मेट्रिकटन र पोटास दुई सय ४९ दशमलव दुई सय मेट्रिकटन मलखाद्य बिक्री वितरण गरिएको छ।

प्रमुख साहका अनुसार गत वर्षको बाँकी मौज्दात युरिया ९ सय ६२ दशमलव पाँच सय मेट्रिकटन, डीएपी ८३ दशमलव सात सय ५० मेट्रिकटन र पोटास ९८ दशमलव पाँच सय मेट्रिकटन रहेको थियो। चालु आर्थिक वर्षमा युरियाप्रति बोरा आठ सय ५० रुपैयाँ ५० पैसा, डिएपी २३ हजार र पोटास १७ हजार रुपैयाँ बिक्री मूल्य छ।

कृषि सामग्री कम्पनी लिमिटेड जनकपुर शाखाले धनुषा जिल्ला र महोत्तरी जिल्ला गरी दुई सय ९ डिलरमार्फत उक्त मल वितरण गर्दै आएको छ। मलखाद्य निर्देशिका २०७७ बमोजिम प्रत्येक पालिकामा स्थानीय मलखाद्य वितरण व्यवस्थापन समिति छ। उपमेयर वा उपाध्यक्षको प्रमुख संयोजक र सदस्यमा प्रशासकीय अधिकृत, कृषि शाखा प्रमुख  कृषि सदस्य सचिव रहेको समितिले रासायनिक मलको दर रेट, कालो बजारी नियन्त्रण, बिक्री वितरण व्यवस्थापन गर्ने जिम्मा लिएको छ।

प्रदेश भूमि व्यस्थापन तथा सहकारी मन्त्रालयबाट सम्बन्धित जिल्लामा पर्ने पालिकाले तोकेको कोटा बमोजिम कृषि सामग्री कम्पनी लिमिटेड डिलरमार्फत मलखाद्य दिने गरेको साहले जानकारी दिए। प्राप्त विवरणअनुसार हालसम्ममा डिएपी मलको कोटा थप गर्ने निर्णय भएर आउने तरखरमा रहेको प्रमुख साहको भनाइ छ। धान, गहुँ मकैका साथै तेलहन बालिका लागि सो मल बिक्री वितरण गरिएको हाे। रासस