काठमाडौं- नेपाली बजारमा आइतबार सुनको मूल्य प्रतितोला चारसय रूपैयाँले वृद्धि भएको छ।

गएको शुक्रबार प्रतितोला एक लाख ९७ हजार एकसय रूपैयाँमा कारोबार भएको सुनको मूल्य यो साता आइतबारका लागि प्रतितोला एक लाख ९७ हजार ५ सय रूपैयाँ तोकिएको नेपाल सुनचाँदी व्यवसायी महासंघले जनाएको छ।

चाँदीको मूल्य भने आइतबार स्थिर रहेको छ।

महासंघका अनुसार चाँदी आज प्रतितोला दुई हजार एकसय ६५ रूपैयाँमा कारोबार भइरहेको छ।

गत शुक्रबार पनि चाँदी सोही मूल्यमा कारोबार भएको थियो।