काठमाडौं- नेपाली बजारमा यो साता सुनको मूल्यमा लगातार गिरावट आएको छ। आइतबार तोलामा ३ हजार र सोमबार एकसय रूपैयाँले घटेको सुनको मूल्य मंगलबार पनि प्रतितोला ६ सय रूपैयाँले सस्तिएको छ।

मंगलबारका लागि सुनको मूल्य प्रतितोला एक लाख ९० हजार रूपैयाँ तोकिएको छ।

यो साता सोमबार सुन प्रतितोला एक लाख ९० हजार ६ सय रूपैयाँमा कारोबार भएको थियो।

चाँदीको मूल्य भने मंगलबार प्रतितोला १५ रूपैयाँले वृद्धि भएको छ।

सोमबार प्रतितोला दुई हजार एकसय ५० रूपैयाँमा कारोबार भएको चाँदीको मूल्य मंगलबारका लागि प्रतितोला दुई हजार एकसय ६५ रूपैयाँ तोकिएको नेपाल सुनचाँदी व्यवसायी महासंघले जनाएको छ।