काठमाडौं- सोमबार सुनको मूल्यमा सामान्य गिरावट आएको छ भने चाँदीको मूल्य सामान्य बढेको छ।

नेपाली बजारमा सोमबार सुनको मूल्य तोलामा एकसय रूपैयाँले घटेर प्रतितोला एक लाख ९० हजार ६ सय रूपैयाँ कायम छ।

यो साता आइतबार सुन प्रतितोला तीन हजार रूपैयाँले घटेर एक लाख ९० हजार ७ सय रूपैयाँमा कारोबार भएको थियो।

यस्तै, आइतबारको तुलनामा सोमबार चाँदीको मूल्य प्रतितोला ५ रूपैयाँले वृद्धि भएको छ।

आइतबार प्रतितोला दुई हजार एकसय ४५ रूपैयाँमा कारोबार भएको चाँदीको मूल्य सोमबारका लागि प्रतितोला दुई हजार एकसय ५० रूपैयाँ तोकिएको नेपाल सुनचाँदी व्यवसायी महासंघले जनाएको छ।