काठमाडौं- अघिल्लो साता लगातार उकालो लागेको सुनको मूल्यमा यो साता आइतबार भने भारी गिरावट आएको छ।

नेपाली बजारमा गएको शुक्रबारको तुलनामा यो साता आइतबार सुनको मूल्य तोलामा ३ हजार रूपैयाँले घटेर प्रतितोला एक लाख ९० हजार ७ सय रूपैयाँ कायम भएको नेपाल सुनचाँदी व्यवसायी महासंघले जनाएको छ।

गतसाता शुक्रबार सुन प्रतितोला एक लाख ९३ हजार ७ सय रूपैयाँमा कारोबार भएको थियो।

चाँदीको मूल्य पनि आज प्रतितोला ५ रूपैयाँले घटेको छ।

महासंघका अनुसार गएको शुक्रबार प्रतितोला दुई हजार एकसय ५० रूपैयाँमा कारोबार भएको चाँदी आइतबार प्रतितोला दुई हजार एकसय ४५ रूपैयाँमा कारोबार भइरहेको छ।