काठमाडौं- नेपाली बजारमा यो साता सुनको मूल्य निरन्तर उकालो लागिरहेको छ। आइतबार तोलामा तीनसय र सोमबार एक हजार रूपैयाँले बढेको सुनको मूल्य मंगलबार पनि प्रतितोला दुई हजार ९ सय रूपैयाँले वृद्धि भएको छ।

सोमबार प्रतितोला एक लाख ८९ हजार ८ सय रूपैयाँमा कारोबार भएको सुनको मूल्य मंगलबार प्रतितोला एक लाख ९२ हजार ७ सय रूपैयाँ कायम भएको नेपाल सुनचाँदी व्यवसायी महासंघले जनाएको छ।

चाँदीको मूल्य पनि सोमबारको तुलनामा मंगलबार प्रतितोला ५५ रूपैयाँले वृद्धि भएको छ।

महासंघका अनुसार मंगलबार चाँदी प्रतितोला दुई हजार ४५ रूपैयाँमा कारोबार भइरहेको छ।

यो साता सोमबार चाँदी प्रतितोला एक हजार ९ सय ९० रूपैयाँमा कारोबार भएको थियो।