काठमाडौं- नेपाली बजारमा यो साता निरन्तर घटिरहेको सुनको मूल्य बिहीबार पनि ओरालोतिरै लागेको छ। बिहीबार सुनको मूल्य तोलामा एक हजार ५ सय रूपैयाँले घटेर प्रतितोला एक लाख ८७ हजार ८ सय रूपैयाँ कायम छ।

यो सातामात्रै सुनको मूल्यमा चार हजार रूपैयाँको गिरावट आएको छ। आइतबार तोलामा १४ सय रूपैयाँले बढेको सुनको मूल्य सोमबार प्रतितोला ७ सय रूपैयाँले घटेको थियो भने मंगलबार दुईसय रूपैयाँले सस्तिएको थियो।

बुधबार सुनको मूल्य तोलामा १६ सय रूपैयाँले घट्दा प्रतितोला एक लाख ८९ हजार ३ सय रूपैयाँ कायम भएको थियो।

यो साता बुधबार प्रतितोला १० रूपैयाँले बढेको चाँदीको मूल्य पनि बिहीबार प्रतितोला १० रूपैयाँले घटेको छ।

बिहीबारका लागि चाँदीको मूल्य प्रतितोला एक हजार ९ सय ९५ रूपैयाँ तोकिएको छ।

बुधबार चाँदी प्रतितोला दुई हजार ५ रूपैयाँमा कारोबार भएको थियो।