सुनको मूल्य निरन्तर ओरालो, आज प्रतितोला १६ सय रूपैयाँले घट्यो

बिजनेस न्युज

बुधबार, जेठ १४ २०८२

सुनको मूल्य निरन्तर ओरालो, आज प्रतितोला १६ सय रूपैयाँले घट्यो

बुधबार सुनको मूल्य प्रतितोला १६ सय रूपैयाँले घट्दा चाँदी भने प्रतितोला १० रूपैयाँले महँगिएको छ।

काठमाडौं- यो साता सुनको मूल्य निरन्तर ओरालो लागिरहेको छ। आइतबार तोलामा एक हजार चारसय रूपैयाँले बढेर त्यसयता निरन्तर घटेको सुनको मूल्य बुधबार पनि प्रतितोला एक हजार ६ सय रूपैयाँले घटेको छ।

बुधबार सुन प्रतितोला एक लाख ८९ हजार ३ सय रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

यो साता सोमबार सुनको मूल्य प्रतितोला ७ सय रूपैयाँले घटेको थियो भने मंगलबार सुन प्रतितोला दुईसय रूपैयाँले सस्तिएको थियो। मंगलबार सुन प्रतितोला एक लाख ९० हजार ९ सय रूपैयाँमा कारोबार भएको थियो।