काठमाडौं- मंगलबार स्थिर रहेको सुनको मूल्य बुधबार भने प्रतितोला ५ हजार रूपैयाँले बढेको छ।

मंगलबार प्रतितोला एक लाख ८४ हजार ८ सय रूपैयाँमा कारोबार भएको सुनको मूल्य बुधबारका लागि प्रतितोला एक लाख ८९ हजार ८ सय रूपैयाँ तोकिएको नेपाल सुनचाँदी व्यवसायी महासंघले जनाएको छ।

यो साता आइतबार तोलामा ६ सय रूपैयाँले बढेर सोमबार ६ सय रूपैयाँले घटेको सुनको मूल्य मंगलबार स्थिर रहेको थियो। बुधबार भने सुनको मूल्यमा भारी वृद्धि भएको हो। 

मंगलबार पाँच रूपैयाँले घटेको चाँदीको मूल्य पनि बुधबार प्रतितोला ५० रूपैयाँले वृद्धि भएको छ।

महासंघका अनुसार चाँदीको मूल्य आजका लागि प्रतितोला एक हजार ९ सय ९० रूपैयाँ तोकिएको छ।

चाँदी मंगलबार प्रतितोला एक हजार ९ सय ४० रूपैयाँमा कारोबार भएको थियो।