काठमाडौं - शुक्रबार सुनको मूल्य प्रतितोला एक हजार रुपैयाँले घटेको छ। बिहीबार दुई सयले बढेको सुनको मूल्य शुक्रबार एक हजार रुपैयाँले घटेको हो। शुक्रबार प्रतितोला १ लाख ८९ हजार ६ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ।

बिहीबार सुन प्रतितोला १ लाख ९० हजार ६ सय रुपैयाँमा कारोबार भएको थियो।

लगातार उचाइतर्फ लागेर रेकर्ड बनाइरहेको सुनको मूल्य बुधबार प्रतितोला ७ हजार ५ सय रूपैयाँले घटेर थामिएको थियो।

यो साता आइतबार स्थिर रहेर सोमबार र मंगलबार कीर्तिमानी बिन्दुमा पुगेको थियो। मंगलबार सुन हालसम्मकै उच्च प्रतितोला एक लाख ९७ हजार ९ सय रूपैयाँ पुगेको थियो।

चाँदी आज तोलामा ८ रूपैयाँले घटेर प्रतितोला दुई हजार रूपैयाँमा कारोबार भइरहेको छ।