काठमाडौं- अन्तर्राष्ट्रिय बजारमा सुनको मूल्य बढेसँगै नेपाली बजारमा पनि यसको मूल्य निरन्तर उचाइतर्फ लागिरहेको छ। 

पछिल्लो समय लगातार मूल्य बढेर रेकर्ड बनाइरहेको सुनको मूल्य यो साता आइतबार पनि प्रतितोला एक हजार रूपैयाँले वृद्धि हुँदै प्रतितोला एक लाख एक लाख ८६ हजार रूपैयाँ पुगेको छ। जुन हालसम्मकै उच्च मूल्य हो।

यसअघि गएको शुक्रबार पनि सुन उच्च मूल्य प्रतितोला एक लाख ८५ हजार रूपैयाँमा कारोबार भएको थियो।

चाँदीको मूल्य पनि आज प्रतितोला ५५ रूपैयाँले वृद्धि भएको छ।

आज चाँदी प्रतितोला एक हजार ९ सय ६० रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।