काठमाडौं- बिहीबार नेपाली बजारमा सुनको मूल्य प्रतितोला एक हजार ३ सय रूपैयाँले बढेर प्रतितिला एक लाख ७४ हजार ८ सय रूपैयाँ कायम भएको छ।

यो साता निरन्तर ओरालो लागेर बुधबार पुन: उकालो लागेको सुनको मूल्य बिहीबार पनि वृद्धि भएको हो। बुधबार सुन प्रतितोला एक लाख ७३ हजार ५ सय रूपैयाँमा कारोबार भएको थियो।

यो साता आइतबार ९ सय र सोमबार ६ सय रूपैयाँले सस्तिएको सुनको मूल्य मंगलबार प्रतितोला दुईसयले घटेको थियो।

बिहीबार चाँदीको मूल्य पनि प्रतितोला ३० रूपैयाँले वृद्धि भएको छ।

बुधबार एक हजार ९ सय ९० रूपैयाँमा कारोबार भएको चाँदीको मूल्य बिहीबार प्रतितोला दुई हजार २० रूपैयाँ पुगेको छ।