काठमाडौं- यो साता निरन्तर ओरालो लागिरहेको सुनको मूल्य बुधबार भने पुन: उकालो लागेको छ।

मंगलबारको तुलनामा बुधबार सुनको मूल्य प्रतितोला दुईसय रूपैयाँले बढेर प्रतितोला एक लाख ७३ हजार ५ सय रूपैयाँ पुगेको छ। मंगलबार सुन प्रतितोला एक ७३ हजार ३ सय रूपैयाँमा कारोबार भएको थियो।

आइतबार तोलामा ९ सय र सोमबार ६ सय रूपैयाँले सस्तिएको सुनको मूल्य मंगलबार प्रतितोला दुईसयले घटेको थियो।

चाँदीको मूल्य पनि बुधबार सामान्य वृद्धि भएको नेपाल सुनचाँदी व्यवसायी महासंघले जनाएको छ।

आइतबार १५ रूपैयाँले सस्तिएर सोमबार र मंगलबार स्थिर रहेको चाँदीको मूल्य बुधबार प्रतितोला १० रूपैयाँले बढेको छ।

बुधबार चाँदी प्रतितोला एक हजार९ सय ९० रूपैयाँमा कारोबार भइरहेको छ।