काठमाडौं- बुधबार सुनको मूल्य प्रतितोला ६ सय रूपैयाँले वृद्धि भएको छ भने चाँदी पनि महँगिएको छ।

मंगलबार तोलामा ५ सय रूपैयाँले घटेर प्रतितोला एक लाख ६९ हजार ९ सय रूपैयाँमा कारोबार भएको सुनको मूल्य बुधबारका लागि प्रतितोला एक लाख ७० हजार ५ सय रूपैयाँ तोकिएको नेपाल सुनचाँदी व्यवसायी महासंघले जनाएको छ।

महासंघका अनुसार चाँदीको मूल्य पनि आज प्रतितोला ३० रूपैयाँले वृद्धि भएको छ।

बुधबार नेपाली बजारमा चाँदी प्रतितोला दुई हजार रूपैयाँमा कारोबार भइरहेको छ।

यो साता मंगलबार चाँदी प्रतितोला एक हजार ९ सय ७० रूपैयाँमा कारोबार भएको थियो।