काठमाडौं- मंगलबार नेपाली बजारमा सुनचाँदीको मूल्यमा गिरावट आएको छ।

सोमबार प्रतितोला एकसय रूपैयाँले बढेको सुनको मूल्य मंगलबार प्रतितोला पाँचसय रूपैयाँले घटेको हो। मंगलबार सुन प्रतितोला एक लाख ६९ हजार ९ सय रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

सोमबार सुन प्रतितोला एक लाख ७० हजार चारसय रूपैयाँमा कारोबार भएको थियो।

यस्तै, सोमबार स्थिर रहेको चाँदीको मूल्य पनि मंगलबार प्रतितोला १५ रूपैयाँले घटेको छ।

महासंघका अनुसार मंगलबारका लागि चाँदीको मूल्य प्रतितोला एक हजार ९ सय ७० रूपैयाँ तोकिएको छ।