सुनको मूल्यमा लगातार वृद्धि, आज प्रतितोला तीनसय रूपैयाँले बढ्यो

बिजनेस न्युज

बिहीबार , फागुन २२ २०८१

सुनको मूल्यमा लगातार वृद्धि, आज प्रतितोला तीनसय रूपैयाँले बढ्यो

बिहीबार सुनको मूल्य प्रतितोला तीनसय रूपैयाँले वृद्धि हुँदा चाँदी पनि प्रतितोला ३५ रूपैयाँले वृद्धि भएको छ।

काठमाडौं- बिहीबार पनि नेपाली बजारमा सुनचाँदीको मूल्यमा वृद्धि भएको छ।

यो साता आइतबार र सोमबार स्थिर रहेको सुनको मूल्य मंगलबारयता लगातार बढेको हो। मंगलबार प्रतितोला १४ सय र बुधबार प्रतितोला ९ सय रूपैयाँले महँगिएको सुनको मूल्य बिहीबार प्रतितोला तीनसय रूपैयाँले वृद्धि भएको हो।

बुधबार प्रतितोला एक लाख ७० हजार चारसय रूपैयाँमा कारोबार भएको सुनको मूल्य बिहीबारका लागि प्रतितोला एक लाख ७० हजार सातसय रूपैयाँ तोकिएको नेपाल सुनचाँदी व्यवसायी महासंघले जनाएको छ।