काठमाडौं- यो साता आइतबार र सोमबार स्थिर रहेको सुनको मूल्य मंगलबारयता लगातार उकालो लागेको छ। 

मंगलबार तोलामा एक हजार ९ सय र बुधबार दुई हजार २ सय रूपैयाँले वृद्धि भएको सुनको मूल्य बिहीबार प्रतितोला एक हजार ६ सय रूपैयाँले बढेको छ। 

बुधबार प्रतितोला एक लाख ६६ हजार ९ सय रूपैयाँमा कारोबार भएको सुनको मूल्य बिहीबारका लागि प्रतितोला एक लाख ६८ हजार ५ सय रूपैयाँ तोकिएको नेपाल सुनचाँदी व्यवसायी महासंले जनाएको छ।

लगातार बढिरहेको चाँदीको मूल्य पनि बिहीबार प्रतितोला पाँच रूपैयाँले महँगिएको छ।

बिहीबार चाँदी प्रतितोला एक हजार ९ सय ८० रूपैयाँमा कारोबार भइरहेको छ।

यो साता बुधबार चाँदीको मूल्य प्रतितोला एक हजार ९ सय ७५ रूपैयाँ कायम थियो।