काठमाडौं- बुधबार सुनको मूल्य प्रतितोला दुई हजार दुईसय रूपैयाँले वृद्धि भएको छ भने चाँदी प्रतितोला ४५ रूपैयाँले महँगिएको छ।

बुधबारका लागि सुनको मूल्य प्रतितोला एक लाख ६६ हजार ९ सय रूपैयाँ तोकिएको नेपाल सुनचाँदी व्यवसायी महासंघले जनाएको छ। 

मंगलबार सुन प्रतितोला एक लाख ६४ हजार सातसय रूपैयाँमा कारोबार भएको थियो।

यस्तै चाँदी आज प्रतितोला एक हजार ९ सय ७५ रूपैयाँमा कारोबार भइरहेको महासंघले जनाएको छ।