काठमाडौं- मंगलबार सुनको मूल्य प्रतितोला एक हजार एकसय रूपैयाँले वृद्धि भएको छ।

सोमबार प्रतितोला एक लाख ५७ हजार रूपैयाँमा कारोबार भएको सुनको मूल्य मंगलबारका लागि प्रतितोला एक लाख ५८ हजार एकसय रूपैयाँ तोकिएको नेपाल सुनचाँदी व्यवसायी महासंघले जनाएको छ।

सोमबार स्थिर रहेको चाँदीको मूल्य पनि मंगलबार प्रतितोला १५ रूपैयाँले बढेको छ। 

मंगलबार चाँदी प्रतितोला प्रतितोला एक हजार ८ सय ७५ रूपैयाँमा कारोबार भइरहेको छ।

यो साता आइतबार प्रतितोला एक हजार ८ सय ६० रूपैयाँ मूल्य तोकिएको चाँदी सोमबार पनि सोही मूल्यमा कारोबार भएको थियो।