काठमाडौं- मंगलबार नेपाली बजारमा सुनचाँदीको मूल्यमा गिरावट आएको छ।

यो साता आइतबार प्रतितोला एक हजार ६ सय रूपैयाँले बढेर सोमबार पनि प्रतितोला एकसय रूपैयाँले उकालो लागेको सुनको मूल्य मंगलबार भने प्रतितोला ८ सय रूपैयाँले घटेको नेपाल सुनचाँदी व्यवसायी महासंघले जनाएको छ।

महासंघका अनुसार सोमबार प्रतितोला एक लाख ५५ हजार ८ सय रूपैयाँमा कारोबार भएको सुनको मूल्य मंगलबारका लागि प्रतितोला एक लाख ५५ हजार रूपैयाँ निर्धारण गरिएको छ।

यस्तै चाँदी मंगलबार प्रतितोला ४० रूपैयाँले सस्तिएको छ। 

सोमबार प्रतितोला एक हजार ८ सय ६० रूपैयाँ मूल्य तोकिएको चाँदी मंगलबार प्रतितोला एक हजार ८ सय २० रूपैयाँमा कारोबार भइरहेको छ।