काठमाडौं- सोमबार सुनको मूल्य सामान्य बढेको छ भने चाँदीको मूल्य स्थिर रहेको छ।

यो साता आइतबार प्रतितोला १६ सय रूपैयाँले बढेको सुनको मूल्य सोमबार प्रतितोला एकसय रूपैयाँले वृद्धि भएको हो।

सोमबार सुन प्रतितोला एक लाख ५५ हजार ८ सय रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

आइतबार सुनको मूल्य प्रतितोला एक लाख ५५ हजार ७ सय रूपैयाँ कायम थियो।

महासंघका अनुसार चाँदी आज प्रतितोला एक हजार ८ सय ६० रूपैयाँमा कारोबार भइरहेको छ।