काठमाडौं- बुधबारको तुलनामा बिहीबार नेपाली बजारमा सुनको मूल्य प्रतितोला पाँचसय रूपैयाँले वृद्धि भएको छ।

बिहीबार सुन प्रतितोला एक लाख ५१ हजार पाँचसय रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

यो साता बुधबार सुन तोलामा १४ सय रूपैयाँले वृद्धि हुँदै प्रतितोला एक लाख ५१ हजार रूपैयाँमा कारोबार भएको थियो।

बुधबार स्थिर रहेको चाँदीको मूल्य पनि बिहीबार प्रतितोला २५ रूपैयाँले बढेको छ।

महासंघका अनुसार चाँदी आज प्रतितोला एक हजार ७ सय ९० रूपैयाँमा कारोबार भइरहेको छ।