काठमाडौं- प्रधानमन्त्री केपी शर्मा ओलीको चीन भ्रमणका क्रममा नेपाल र चीन सरकारबीच बेल्ट एण्ड रोड इनिसियिटभ (बीआरआई) 'सहकार्य फ्रेमवर्क'मा हस्ताक्षर भएको छ। 

फ्रेमवर्कका विषयमा नेपाल र चीनका उच्च अधिकारीहरूबीच दुई दिनसम्म अनौपचारिक वार्ता भएको थियो। फ्रेमवर्कमा कुन-कुन विषय समावेश गरेर हस्ताक्षर गरियो भन्नेबारे अहिलेसम्म आधिकारिक जानकारी सार्वजनिक गरिएको छैन।  

बेइजिङमा आज बुधबार भएको सम्झौतामा नेपालका तर्फबाट परराष्ट्र मन्त्रालयका सचिव अमृतबहदुर राई र चीनका तर्फबाट नेशनल डेभलपमेन्ड एण्ड रिफर्म कमिसनका उपाध्यक्ष लि सुशेले हस्ताक्षर गरेका हुन्।

चीनका प्रधानमन्त्री ली छयाङको मैत्रीपूर्ण निमन्त्रणामा प्रधानमन्त्री केपी शर्मा ओली चीनको औपचारिक भ्रमणमा रहेको तेस्रो दिन यो सम्झौता भएको हो।

सहकार्य फ्रेमवर्कमा हस्ताक्षर भएसँगै अब नेपालले चीनले अघि बढाएको र सन् २०१७ मा हस्ताक्षर गरेको बेल्ट एन्ड रोड इनिसियटिभ (बीआरआई) लाई अघि बढाउने विषयमा थप समय पाउने देखिएको छ। 

सुरुङमार्गदेखि रेलमार्गसम्मका दर्जनौँ परियोजना अगाडि बढाउन चिनियाँ पक्ष सहमत, कुन-कुन परियोजनामा भयो सहमति?