काठमाडौं- नेपाल टेलिकमले नेपाल प्रिमियर लिग (एनपीएल)लाई मध्यनजर गर्दै एनटी क्रिकेट धमाका प्याक सार्वजनिक गरेको छ।

२०८१ मंसिर १५ गतेदेखि काठमाडौंमा आयोजना हुन गइरहेको नेपाल प्रिमियर लिग (एनपीएल) लाई मध्यनजर गर्दै कम्पनीका प्रबन्ध निर्देशक संगीता पहाडी अर्याल तथा सुदूरपश्चिम रोयल्सका प्रमुख स्वतन्त्र प्रताप शाहद्वारा संयुक्त रुपमा उक्त एनटी क्रिकेट धमाका प्याकको घोषणा गरिएको हो।

यस योजनाअन्तर्गत प्रिपेड तथा पोष्टपेड मोबाइल प्रयोगकर्ताका लागि ६ सय ९९ मा ३०० जीबी  डाटा पाउने छन्। जसमा प्रतिदिन १० जीबी डाटा प्रयोग गर्न सकिने र १० जीबीको लिमिट पूरा भए बाँकी समय ३ एमबीपीएस गतिमा अनलिमिटेड डाटा प्रयोग गर्न सकिने टेलिकमले जनाएको छ।

यसैगरी ४ सय ९९ रुपैयाँमा प्रतिदिन ५ जीबीका दरले १५० जीबी डाटा उपलब्ध हुनेछ। जसमा ५ जीबीको  लिमिट पूरा भए बाँकी समय २ एमबीपीएस गतिमा अनलिमिटेड डाटा प्रयोग गर्न सकिनेछ टेलिकमले जारी गरेको विज्ञप्तीा उल्लखे छ।

पोष्टपेड प्रयोगकर्ताका लागि मासिक रेन्टल समेत समावेश गरिएका धमाका प्याकहरुको समयावधि ३० दिन रहेको छ भने प्रिपेड प्रयोगकर्ताका लागि २८ दिन समयावधि रहने छ।