काठमाडौं- सेवा सुविधामा विभेद भएको भन्दै नेपाल एयरलाइन्सका स्थायी पाइलटहरुले आन्दोलन सुरु गरेका छन्।
वाइडबडी र न्यारोबडी जहाज उडानमा रहेका स्थायी पाइलटहरुले करारमा भर्ती गरिएका पाइलटको भन्दा कम सेवा सुविधा भएको भन्दै विगतदेखि नै आन्दोलन गरिरहेका थिए।
पछिल्लो सयम कार्यकारी अध्यक्ष युवराज अधिकारी कमिसन लिँदै करारका पाइलटलाई स्थायी पाइलटको भन्दा बढी सेवा सुविधा दिए भन्दै विरोध सुरु गरेका छन्। पाइलटहरुले हरेक गन्तव्यको उडानमा ढिला सुस्ती गरिरहेका छन्।
पाइलटहरुले अन्तिम समयमा बिरामी भएको र उडान जान नसक्ने जानकारी दिइरहेका छन्। स्रोतका अनुसार यो विभेद पूर्ण नितीको विरोध हो। आइतबार मात्रै भारतको मुम्बई उडान १० घण्टा डिले भएको छ।
यसैगरी आज रातीको दुबई उडान भोली विहानलाई सारिएको छ। स्रोतका अनुसार शनिबार मात्रै हङकङको उडान ५ घण्टा डिले भएको थियो।
