काठमाडौं- यो साता सुनको मूल्य लगातार बढिरहेको छ। सोमबार प्रतितोला एक हजार र मंगलबार प्रतितोला एक हजार एकसय रूपैयाँले बढेको सुनको मूल्य बुधबार प्रतितोला ९ सय रूपैयाँले वृद्धि भएको छ।

बुधबारका लागि सुनको मूल्य प्रतितोला एक लाख ६३ हजार रूपैयाँ तोकिएको छ।

मंगलबार सुन प्रतितोला एक लाख ६२ हजार एकसय रूपैयाँमा कारोबार भएको थियो।

यस्तै मंगलबार बढेको चाँदीको मूल्य भने बुधबार प्रतितोला पाँच रूपैयाँले घटेको छ। 

मंगलबार प्रतितोला एक हजार ९ सय ५५ रूपैयाँमा कारोबार भएको चाँदीको मूल्य बुधबारका लागि प्रतितोला एक हजार ९ सय ५० रूपैयाँ कायम गरिएको महासंघले जनाएको छ।