काठमाडौं- मंगलबार सुनको मूल्य प्रतितोला एक हजार एकसय रूपैयाँले वृद्धि भएको छ।
सोमबार तोलामा एक हजार रूपैयाँले बढेर प्रतितोला एक लाख ६१ हजार रूपैयाँमा कारोबार भएको सुनको मूल्य मंगलबारका लागि प्रतितोला एक लाख ६२ हजार एकसय रूपैयाँ तोकिएको नेपाल सुनचाँदी व्यवसायी महासंघले जनाएको छ।
यस्तै चाँदीको मूल्य पनि मंगलबार प्रतितोला ३५ रूपैयाँले वृद्धि भएको छ।
महासंघका अनुसार मंगलबार चाँदी प्रतितोला एक हजार ९ सय ५५ रूपैयाँमा कारोबार भइरहेको छ।
